TULAGA O LE SA’OLOTOGA O MANATU MA LE FA’AALIGA O TĀOFI I SĀMOA AIĀ TATAU E MAUA AI FA'AMATALAGA O le aiā tatau i le mauaina o fa’amatalaga ma le iloa, o ni vaega mana’omia ia mo le ātīna’ega o se sosaiete e mafai ona maua e tagata uma fa’amatalaga. E lē gata ina ātīna’e ai tagata ia maua mālosi’aga talafeagai e fai ai fa’ai’uga lelei, ae ‘ole’ā mafai ai fo’i ona fa’atino a latou aiā tatau, ‘auai i galuega tau le tamāo’āiga, a’oa’oina i ni tomai fou, ma mātauina galuega ma fa’atinoga a o latou mālō po o se isi lava fa’alāpotopotoga fa’alemālō E lē tu’usaunoaina le aiā tatau i le mauaina o fa’amatalaga. E iai ona noataga, ft., o fa’amatalaga e lē tatau ona fa’alaua’iteleina ma itū tau puipuiga o le saogalēmū Auala e fa'aaoga e tagata e maua ai fa'amatalaga i faiga fa'avae a le malo, tala fou, su'esu'ega ma isi O le 35% o i latou na fa’atino i ai le su’esu’ega na fa’ailoa mai e maua a latou fa’amatalaga mai nusipepa O le 31% o i latou na fa’atino i ai le su’esu’ega na fa’ailoa mai e maua a latou fa’amatalaga mai ala o feso’ota’iga e pei o le Facebook, talu ai, e faigōfie ona maua O le 19% o i latou na ‘auai i le su’esu’ega na fa’ailoa mai latou te sā’ilia fa’amatalaga mai ‘upega tafā’ilagi a fa’alāpotopotoga fa’alemālō ma le initaneti. Peita’i, na fa’ailoa mai fo’i e iai lava fa’afītāuli i ‘upega tafā’ilagi a fa’alāpotopotoga a le mālō talu ai e tau leai ni fa’amatalaga fou e fa’aopoopo i ai O le 13% o i latou na ‘auai i le su’esu’ega na fa’ailoa mai e tu’uina atu a latou talosaga i ofisa mo ni fa’amatalaga. Peita’i, e iai pea se lu’i ona o le taimi e fa’atali ai se tali, ma ‘āfai fo’i e maua mai fa’amatalaga, e lē au’ili’ili pe lē feso’ota’i fo’i ma o latou mana’oga na māfua ai le talosaga O le 2% o i latou na ‘auai i le su’esu’ega na fa’ailoa mai, e fa’alagolago i fa’asalalauga aloa’ia (press releases) e maua mai ai a latou fa’amatalaga Source: Consultations, ICCPR, HRC General Comment No. 34. Office of the Ombudsman NHRI Samoa State of Human Rights Report 2021