Fautuaga: 12. Ia fa’atino e le Mālō auala fa’aletulafono ma isi auala e fa’amautinoa ai le saogalēmū o tamaiti i luga o le initaneti. 13. E tatau ona avea o se galuega fa’aauau pea i ā’oga le fa’atupuina o le mālamalama e uiga i le fa’aaogāga saogalēmū ma le fa’autauta o le initaneti ma ia aofia i totonu o matā’upu a’oa’oina. 14. E tatau iā i latou ‘olo’o tu’uina tau ‘au’aunaga tau tekonolosi ona fa’atino la latou matāfaioi faitele e tu’uina atu puna’oa e fesoasoani e fa’atino ai a’oa’oga mo le atunu’u lautele e fa’atupu ai le silafia, ma polokalame o a’oa’oga mo le saogalēmū o tamaiti ma lo latou mauaina o fa’amatalaga lē talafeagai, faiga fa’atāutala ma le taufa’amata’u i luga o le initaneti. 15. Ia fa’amautinoa e le Mālō e pāleni, matuā alagātatau ma fuafua fa’atatau auala o le tāofiofiga po o le fa’atapula’aina o le mauaina o le initaneti, e māfua ona o le puipuiga o le saogalēmū o tamaiti i luga o le initaneti. 16. Ia fa’amuamua e le Mālō le fa’amāe’aina o feutaga’iga ma fa’anatinati le ‘auai atu o Sāmoa i le Feagaiga i Budapest, e fa’avae i se iloiloga au’ili’ili o le si’osi’omaga i Sāmoa ma ana ta’iala fa’aletulafono. Līpoti o le Tulaga o Aiā Tatau a Tagata Soifua 2021 | 34