le a’oa’oina o tusitala i tomai o le galuega tusitala, līpoti o talamoni ma tala sa’o ma le fa’atūmauina o le fa’atuatuaina o le tusitala.119 Fautuaga: 9. E tatau i le vaega o tusitala ma fa’asalalauga ona fa’a’āu’upegaina tusitala i tomai mana’omia o le galuega ma aiaiga o le Tulafono Laitiiti ua saunia e le Fono a le Au Tusitala ma le Au Fa’asalalau, ina ia fa’atūmauina le fa’atuatuaina o tusigatala ma fa’asalalauga. 10. E fautuaina le Mālō ina ia fa’afaigōfie ona maua fa’amatalaga e tusitala ma fa’asalalauga ma lagolago i a’oa’oga o tomai o galuega. E lē tatau ona avea se fesoasoani ofoina atu e le Mālō e fa’aitiitia ai le tūto’atasi o le au tusitala ma le au fa’asalalau. 11. Ia fa’amautinoa e le Mālō e alagātatau ma tonu ni tulafono e fa’atonutonu pe a’afia ai le sa’olotoga o le au tusitala ma le au fa’asalalau ma e lē fa’aaogāina e so’ona tāofiofi ai le au fa’asalalau pe tāofiofi pe fa’asā ai famatalaga e tatau ona iloa e tagata lautele. 119 Mo se fa’ata’ita’iga, taga’i i le, The Editorial Board, “Journalist must return to basic principles”, Samoa Observer (21 July 2021) https://www.samoaobserver.ws/category/editorial/87198. Līpoti o le Tulaga o Aiā Tatau a Tagata Soifua 2021 | 30