Ua avea le Initaneti ma Auala o Feso’ota’iga a Tagata o ni meafaigaluega tāua e mafai e tagata ta’ito’atasi ona fa’atino ai o latou sa’olotoga o le fa’aaliga o tāofi ma fa’afesuia’i fa’amatalaga i se taimi vave, ma tatala ai le fa’aaliga o o latou manatu. Peita’i, e iai tagata ua fa’aaogāina nei avanoa, a ua leai se manatu i o latou tiute tau’ave, ma ua fa’aali ai manatu ma tāofi i ni auala ua āfāina ai isi tagata. Na aliali mai i fefa’asoaa’iga e iai tagata ua fa’aaogāina le initaneti ma auala o feso’ota’iga a tagata e fa’aali sa’oloto ai tāofi ma ua āfāina ai le ta’uleleia o ni tagata ta’ito’atasi ma fa’aosooso ai sāuāga fa’asaga i o latou ‘āiga37, fa’asalalau lōmiga matuā leaga, sesē ma taufa’aleaga,38 ma lalafi i tua o ni igoa ‘ese i luga o auala o feso’ota’iga a tagata e fa’asalalau ai fa’amatalaga sesē, tala fa’atupu, taufa’asesē ma fa’amatalaga taufa’aleaga i tagata ta’ito’atasi ma le mālō.39 O se isi fo’i popōlega tele, o le solia lea o aiā tatau a tagata ta’ito’atasi i le fa’alauiloaina o mea e lē tatau ona fa’alaua’iteleina e uiga i isi tagata ma o latou ‘āiga.40 O le fa’alauiloaina o nei fa’amatalaga ua āfāina ai nei tagata i fa’a’upuga ma tusitusiga mātuiā mai isi tagata. Na fa’aleo fo’i le manatu o isi tagata, e ui ina tāua le fa’aaliga o tāofi ma lagona i so’o se matā’upu e manatu ai, ua tula’i mai ai fo’i ma se masani o le matuā pogisā i matāfaoi tau’ave e feso’ota’i ma le fa’atinoga o ia sa’olotoga ma aiā tatau.41 FA’AMATALAGA FA’AMĀLAMALAMA: Fa’ata’ita’iga o le “fa’aaogāga lelei” ma “fa’aaogāga lē talafeagai” o le sa’olotoga o le tautala ma le fa’aaliga o tāofi     E LĒ se fa’aaogāga tatau o le sa’olotoga o le tautala le tu’ua’ia po o tala e atagia ai le tu’ua’ia o se sui o le palemene i le gaoi po o le mulilua e aunoa ma ni fa’amāoniga. O le fefa’asoaa’iga o tāofi i se fa’aipoipoga i le ‘āiga, fuafuaga o ni polōketi po o se matā’upu tau tagata lautele ua tula’i mai, o le fa’atinoga lea o le sa’olotoga o le tautala. O se fa’ata’ita’iga lelei o le sa’olotoga o le tautala i le fefa’asoaa’iga o tāofi e fa’apea: “Ou te manatu e lē lelei lenā faiga fa’avae talu ai, ou te lē talitonu i aiā tatau a tamaiti” O se fa’ata’ita’iga o le fa’aaogāga sesē o le sa’olotoga o le tautala e fa’apea: “E leaga ou manatu. E te valea ma ou te lē toe fia fa’alogo atu i ni ou manatu.” E pei ona tā’ua i luga, na iai fuafuaga a le Mālō e fa’asā le Facebook i Sāmoa ina ia tāofia ai le salalau i le initaneti o fa’amatalaga taufa’aleaga a tagata e lē fa’ailoaina o latou igoa. Na tu’uina atu e le Ofisa se tali: O se la’asaga mātuiā le fa’asāina o le Facebook i Sāmoa tusa lava pe pu’upu’u se taimi, ona o fa’amatalaga taufa’aleaga ma taufa’amata’u. E lē fesiligia ‘ole’ā fa’atapula’aina ai e le Mālō avanoa o 37 Fefa’asoaa’iga ma vaega patino ma fautuaga Upolu (Mati 2021) ma Savai’i (Aperila 2021). Matāgaluega o Feso’ota’iga ma Fa’amatalaga Televavave Fa’aonapōnei (MCIT) folasaga tusitusia submission (20 Aperila 2021). 39 Matāgaluega o le Palemia & Kapeneta (MPMC) folasaga tusitusia (26 Aperila 2021). 40 MCIT folasaga tusitusia (20 Aperila 2021), MPMC folasaga tusitusia (26 Aperila 2021), Samoa Observer folasaga tusitusia (13 Me 2021). 41 Fefa’asoaa’iga ma vaega patino ma fautuaga Upolu (Mati 2021) ma Savai’i (Aperila 2021), SLRC folasaga tusitusia (30 Aperila 2021), MPMC folasaga tusitusia (26 Aperila 2021). 38 Līpoti o le Tulaga o Aiā Tatau a Tagata Soifua 2021 | 17