TAGATA FAATALANOA'INA Upolu MANATU TUSITUSIA TU'UINA MAI Savaii Govt. Media CSOs Individual 11% 40% 22% 45% 60% 22% Na fa’atino e le Ofisa iloiloga o fa’amatalaga ua iai o tulaga fa’avāomālō ma isi tulafono feso’ota’i, matā’upu tula’i mai, fa’amatalaga lautele ma tusitusiga e lē gata i totonu o le atunu’u ae fa’apea atunu’u i fafo, e fesoasoani i le vā’ili’iliga ma fa’alautele ai le talanoaina o ni matā’upu patino. Fa’atulagaga o le līpoti E iai auala ‘ese’ese ua fa’aaogā i lenei līpoti e fesoasoani i le mālamalamaga o le ‘aufaitau i aiā tatau ma sa’olotoga ‘olo’o talanoaina. O ia auala e aofia ai: “Fa’amatalaga si’i sa’o” mai fesili o su’esu’ega, fefa’asoaa’iga, ma līpoti. Ua fa’aaogāina nei fa’amatalaga si’i sa’o e fa’amati’e ai manatu ta’atele, fa’apea fo’i manatu e matuā ‘ese mai manatu o le to’atele, e uiga i matā’upu na talanoaina. O le fa’amoemoe, o le fia maua lea o se va’aiga i manatu ‘ese’ese na fa’aalia, ae lē fa’apea o manatu ia o le Ofisa. “Na e silafia?” ma “Fa’amatalaga Fa’amālamalama”: ua fa’aaogāina nei auala e tu’uina atu ai talamoni tāua ma fa’amālamalamaga o ni matā’upu patino mo le ātīna’ega o le silafia. E iai le fa’amoemoe o nei auala ‘ole’ā fesoasoani (1) i tagata e ‘ūmia aiā tatau e mālamalama ai i a latou aiā tatau ma sa’olotoga, fa’apea fo’i o latou tiute fa’apitoa ma a latou matāfaioi e feso’ota’i ma le fa’atinoga o ia aiā tatau ma sa’olotoga, ma (2) i tagata e iai tiute tau’ave e uiga i a latou matāfaioi ma tiute tau’ave o le fa’amautinoa le amana’ia, lagolagoina ma le puipuiga o ia aiā tatau ma sa’olotoga i Sāmoa. Fautuaga i le līpoti O fautuaga i le līpoti ‘olo’o fa’asino tonu ia i latou e iai o latou nafa i le fa’amautinoaina o le amana’ia, lagolagoina ma le puipuiga o le sa’olotoga o le fa’aaliga o manatu, tāofi, ma le aiā tatau i le mauaina o fa’amatalaga i Sāmoa. Ua fa’atulaga fo’i i ni vasega lautele e tolu: ‘a’apa atu ma le silafia, toefuata’iga o tulafono ma faiga fa’avae, ma puna’oa ma le ātīna’ega o agava’a. Līpoti o le Tulaga o Aiā Tatau a Tagata Soifua 2021 | 10