A o fa’aauau le mauaina e Sāmoa o fa’amanuiaga o nei aso ua laualuga ai ma faigōfie ona maua fa’amatalaga, ua fa’apea fo’i ona fetaia’i ma ni lu’i o ni sa’olotoga ma aiā tatau e feso’ota’i. ‘Olo’o tele felafolafoa’iga ma fefa’asoaa’iga o manatu e uiga i le fa’atinoga ma tapula’a o le sa’olotoga o manatu ma le fa’aaliga o tāofi, fa’apea lo latou tāua. E fa’apēnā fo’i i le aiā tatau i le mauaina o fa’amatalaga. O le manatu fo’i o ni tagata lautele o aiā tatau a tagata soifua o se manatu mai fafo, ua fa’aopoopo lea i le fenumia’i ma le lē mālamalama, ma salalau atu ai ia lagona e uiga i nei aiā tatau, i so’o se vaega o le atunu’u.5 . E tāua le sa’olotoga o manatu ma le fa’aaliga o tāofi, e maua e ala i le aiā tatau e maua ai fa’amatalaga o ‘ūmia e pulega a le mālō, ina ia mautinoa e mafai ona fa’aali ma le sa’oloto tāofi o tagata, ma maua fa’amatalaga i matā’upu e manatu e tāua. E matuā tāua ia itū mo le ātīna’e o tagata ta’ito’atasi ma vaega o tagata, ‘auā o le ala lea e mafai ai ona ‘auai, felafolafoa’i, fefa’asoaa’i ma ‘auai i faigā fa’ai’uga i matā’upu e a’afia ai. O se auala fo’i lea e mafai ai ona tali mai ai i latou o i tulaga o pulega. Ua fa’amati’e i le ata ‘olo’o mulimuli mai auala e fa’aaogā e i latou na fesiligia, e fa’aali ai o latou tāofi i matā’upu e tāua ia i latou. O le aotelega, o auala aupito ta’atele e lua e fa’aali ai tāofi i Sāmoa o le “fefa’asoaa’i ma isi” ma “ala o feso’ota’iga a tagata/ Facebook”. E fa’aaogā fo’i e tagata nusipepa, televise ma le leitiō, fa’apea tusitusiga o manatu e fa’ailoa ai o latou tāofi. E mautinoa lava o le auala aupito faigōfie o le fesāga’i ma fefa’asoaa’i. Peita’i, o i latou na tali mai latou te fa’aaogāina le Facebook e fa’aali ai o latou tāofi, na fa’apea mai o le māfua’aga, e faigōfie ma o le to’atele o tagata i Sāmoa e i le Facebook, ‘aemaise lava le tupulaga. AUALA FAAAOGA'INA E FAASOA AI MANATU/ FINAGALO Facebook/ social media Newspaper TV/Radio Opinion pieces Discuss with others 25% 49% 7% 12% 7% 5 Mo se fa’ata’ita’iga, o fa’atalanoaga, na aliali mai ai o le fa’aaliga o manatu po o tāofi (‘aemaise lava talavou/’au lāiti) e ‘ese pe tete’e i se tāofi fa’aalia o isi (tagata mātutua po o ta’ita’i), o le fa’asāla’ese lea po o le lē āva– Talanoaga i vaega fa’apitoa (Upolu ma Savaii). Līpoti o le Tulaga o Aiā Tatau a Tagata Soifua 2021 |8