Cleofe, 67
Ako si Cleofe, tatlo ang anak, may asawa. Ang malaking epekto sa akin ng
pandemya ay ang pagpapatupad ng lockdown. Una, hindi ko na personal
na makita ang asawa ko. May sampung buwan na noong huli ko siyang
makita dahil may hearing kami. Gusto ko siyang mayakap, mahawakan ang
kanyang mga kamay. Dahil wala ring dalaw, nawala ang nararamdaman kong
excitement at saya tuwing linggo sa pagtanggap ko ng liham galing sa kanya,
pati ang ginagawa niyang card o tula na nagbibigay ng encouragement
at lakas sa akin. Dagdag pa sa pagtanggap ko ng liham galing sa kanya,
nalalaman ko ang kalagayan ng kanyang kalusugan. Marami siyang sakit at
noong wala pang lockdown, pinapalabas siya sa kulungan para magpatsekup. Ang pangalawang epekto ay hindi na ako nadadalaw ng aming mga
anak. Binigyan kami ng oportunidad na makausap/makita ang aming anak
sa pagtawag sa cellphone o sa Facebook, kaya lang five minutes lang ang
pinapahintulot. Dahil dalawang anak ang tinatawagan ko, ngayon bawat
anak ay nakakausap ko nang isang beses lang sa isang linggo sa loob ng
five minutes. Hindi ako kontento sa maiksing oras para sa pag-uusap. Ang
ikatlong epekto ay hindi na nakakadalaw ang mga kaibigan para mag-update
ng kalagayan ng bansa at buong mundo. Makapanood man kami ng balita
sa TV tuwing 6:30 ng gabi hanggang pasado 8 pm, napakalimitado naman
ng laman ng binabalita. Wala ring newspaper na mababasa.
Ang hiling ko sa gobyerno, ibigay sa mga bilanggo ang para sa mga bilanggo.
Para sa mga political prisoners, palayain na sila dahil ang mga kasong
ipinataw ay trumped-up charges lang. Ako mismo ay kinasuhan ng illegal
possession of fireams and explosives na puro planted. Hiling ko rin na ibalik
ang GCTA para maraming bilanggo ang makalaya. At ang huling hiling para
sa mga bilanggo, na more than 90% ay mahirap at marami ang walang
dalaw, ay bigyan sila ng gobyerno ng monthly aid and toiletries.
Sa araw-araw: Gigising, exercise ng yoga, tai chi, stretching at walking,
patuloy ang pag-exercise o pagtrabaho sa vegetable garden, almusal,
headcount, paligo, TC morning meeting, pagbasa ng libro o panonood ng
TV o pagtrabaho sa vegetable garden, pananghalian, headcount, siesta
time, pagbasa ng libro, pagdating ng 3:30 pm ay magtatrabaho ulit sa
vegetable garden, headcount, pagtrabaho sa garden hanggang 5:30 pm,
paligo, panonood ng balita sa TV, hapunan, headcount, panonood ng balita
sa TV hanggang pasado 8 pm, pagtulog. Sa inilahad na mga aktibidad,
76