ހިއުމަން ރައިޓްސް ކޮމިޝަން އޮފް ދަ މޯލްޑިވްސް
ޢަމަލުތައް ފޮރުވުމަށް ދިވެހި ފުލުހުންގެ ޚިދުމަތުގެ ބައެއް އޮފިސަރުން މަސައްކަތް ކުރާކަމާއި ކޮމިޝަނުން ކުރާ ތަޙުޤީޤަށް
ވެސް އެ ފަރާތްތަކުން އެއްބާރުލުން ނުދޭކަންވެސް ފާހަގަކުރެވެއެވެ .އެގޮތުން ،ޓޯޗަރގެ ޢަމަލު ހިންގި ތަނެއްގައި ހާޒިރުވެތިބި
އޮފިސަރުންނަށް އެ ޓޯޗަރގެ ޢަމަލު ހިންގި މަންޒަރު ފެންނާނެކަން ސީ.ސީ.ޓީ.ވީ ފުޓޭޖުން ދެނެގަނެވޭ ހާލަތްތަކުގައި ވެސް
އެ ޓޯޗަރގެ ޢަމަލު ނުހިނގާކަމަށާއި އެ މަންޒަރު ވެސް ނުފެންނަކަމަށް އޮފިސަރުން މަޢުލޫމާތު ދޭކަން ފާހަގަކުރެވެއެވެ .މީގެ
އިތުރުން ،ދައުލަތުގެ ގުޅުންހުރި މުއައްސަސާތަކުން ކޮމިޝަނުގެ ތަޙުޤީޤަށް ޞައްޙަ ނޫން މަޢުލޫމާތު ހިއްސާކުރާކަންވެސް
ފާހަގަ ކުރެވެއެވެ .އެގޮތުން ،ހާދިސާތަކުގައި ޙަރަކާތްތެރިވި އޮފިސަރުންގެ ގޮތުގައި އެ ނޫން އެހެން އޮފިސަރުންގެ މަޢުލޫމާތު
ހިއްސާކުރުމާއި ،ސީ.ސީ.ޓީ.ވީ ފުޓޭޖު ނެތްކަމަށް ބުނެ ތަކުރާރުކޮށް މަޢުލޫމާތު ހިއްސާކޮށްފައިވީ ނަމަވެސް މައްސަލަ ބަލާ
އޮފިސަރު އެ މަރުކަޒަށް ހާޒިރުވެ އެ ސީ.ސީ.ޓީ.ވީ ހުރިކަން ދެނެގަނެވިފައިވާކަން ފާހަގަކުރެވެއެވެ .މީގެ އިތުރުން ،ހާދިސާއެއްގައި
ހަރަކާތްތެރިވި އިންވެސްޓިގޭޝަން އޮފިސަރުންގެ ގޮތުގައި ހާދިސާ ރިޕޯޓުގައި ނަންޖަހާފައިވާ އޮފިސަރުންނަކީ އެ ހާދިސާގައި
ހަރަކާތްތެރިވި އޮފިސަރުން ނޫންކަމާއި ،އެ ހާދިސާ ރިޕޯޓުގައި އެ އޮފިސަރުންގެ ސޮއިކުރުވާފައި ނުވާކަން ވެސް ކޮމިޝަންގެ
ތަޙުޤީޤުން ފާހަގަކުރެވުނެވެ .މިފަދަ ،ކަންކަން ހުރުމުން ދައުލަތުގެ މުއައްސަސާތަކުން ހިއްސާކުރާ މަޢުލޫމާތުގެ ޞައްޙަކަމާމެދު
ސުވާލު އުފެދުމުގެ ފުރުޞަތު އޮތްކަން ފާހަގަ ކުރެވެއެވެ.
27278ކްރައުޑް ކޮންޓްރޯލު ކުރުމުގައި އަދި މީހުން ހައްޔަރުކުރުމުގައި ހަރަކާތްތެރިވާ އޮފިސަރުން ބޮޑީ ވޯން ކެމެރާ ބޭނުން ނުކުރާކަން
ފާހަގަކުރެވެއެވެ .މިގޮތުން މުޒާހަރާތަކާއި އެހެނިހެން ކަންކަމާ ގުޅިގެން އެއްވެފައިވާ މީހުން ކޮންޓްރޯލު ކުރުމުގައި ފުލުހުން
އަނިޔާކުރިކަމަށް ބުނާ މައްސަލަތަކާއި ،އެކިއެކި މައްސަލަތަކުގެ ތުހުމަތުގައި ފުލުހުން މީހުން ހައްޔަރުކުރުމުގައި އަނިޔާކުރާކަމަށް
ބުނެ ހުށަހަޅާފައިވާ ގިނަ މައްސަލަތަކާ ގުޅިގެން ކޮމިޝަނުން ހިންގާފައިވާ ތަޙުޤީޤުތަކުން ދެނެގަނެވިފައިވާ ގޮތުގައި ،އެފަދަ
ހާދިސާތަކުގައި ހަރަކާތްތެރިވާ އޮފިސަރުން ބޮޑީވޯން ކެމެރާ ބޭނުން ނުކުރާކަން ދެނެގަނެވިފައިވެއެވެ .އަދި ބޮޑީވޯން ކެމެރާ
ބޭނުންކުރާ ހާލަތްތަކުގައި ވެސް ،އެ ހާދިސާތަކާ ގުޅިގެން ހަރަކާތްތެރިވާ ހުރިހާ އޮފިސަރުންގެ ޢަމަލުތައް ރެކޯޑު ކުރެވޭނެ
ގޮތަކަށް އެ ކެމެރާތައް ބޭނުންކުރަމުން ނުދާކަން ވެސް ކޮމިޝަނުން ހިންގާ ތަޙުޤީޤުތަކުން ދެނެގަނެވިފައިވެއެވެ .އެކަމުގެ
ސަބަބުން ބޮޑީވޯން ކެމެރާ ބޭނުންކުރުމުގެ ޙަޤީޤީ މަޤުޞަދު ޙާޞިލު ނުވާކަން ފާހަގަކުރެވެއެވެ.
27279ދައުލަތުގެ ބެލުމުގެ ދަށުގައި މީހުން ބައިތިއްބާ ތަންތަނުގައި އެ ތަންތަނުގެ އެންމެހައި އިމާރާތްތަކާ ،ގޯތިތެރޭގައި ސީ.ސީ.ޓީ.ވީ
ހަރުކޮށްފައި ނުހުންނަކަމާއި ،ސީ.ސީ.ޓީ.ވީ ހަރުކޮށްފައި ހުންނަ ބައެއް ތަންތަނުގައިވެސް މަންޒަރު ރެކޯޑުކޮށް ބަލަހައްޓަމުން
ނުގެންދާކަން ފާހަގަކުރެވެއެވެ .އެކަމުގެ ސަބަބުން އެތަންތަނުގައި ޓޯޗަރގެ ޢަމަލު ހިންގާކަމަށް ބުނެ ހުށަހަޅާ މައްސަލަތަކުގައި
އެކަންކަން ހިނގިކަން ނުވަތަ ނޫންކަން ދެނެގަތުމުގައި ކޮމިޝަނަށް ދަތިތަކާ ކުރިމަތިވެއެވެ.
28280ޓޯޗަރގެ މައްސަލަތައް ސާބިތުކުރުމުގައި މުހިއްމު ހެއްކެއްގެ ގޮތުގައި ބޭނުންކުރެވޭ މެޑިކޯ ލީގަލް ރިޕޯޓު ފުރިހަމަކޮށްފައި
ނުހުންނަކަމާއި ،އެ ރިޕޯޓުގައި މަޢުލޫމާތު ހިމަނާފައި ހުންނަ ގޮތުގެ ސަބަބުން ތަޙުޤީޤަށް އޭގެ އެންމެ ފުރިހަމަ ބޭނުން
ނުހިފޭކަން ފާހަގަކުރެވެއެވެ .އެގޮތުން ގިނަ މެޑިކޯ ލީގަލް ރިޕޯޓުތަކުގައި އަނިޔާ ލިބުނުކަމަށް ބުނާ މީހާ ބުނާ ބުނުމުގެ ތެދު
ދޮގު ދެނެގަނެވޭނެ މަޢުލޫމާތު ހިމަނާފައި ނުހުންނަކަން ފާހަގަކުރެވެއެވެ .އެހެންކަމުން އަނިޔާލިބުނުމީހާ ބުނާ ބުނުމަށް ބާރުލިބޭ
ހެއްކެއްގެ ގޮތުގައި އެފަދަ މެޑިކޯ ލީގަލް ރިޕޯޓުތައް ބޭނުން ނުކުރެވޭކަން ވެސް ފާހަގަކުރެވެއެވެ.
28281ހަމަ އެހެންމެ ،އަނިޔާ ލިބުނުކަމަށް ބުނާ ފަރާތުގެ އިތުރުން މަންޒަރު ދުށްކަމަށް ބުނާ ފަރާތްތަކުން ތަޙުޤީޤަށް އެއްބާރުލުން
ނުދޭ ޙާލަތްތައް އަންނަކަމާއި ،އެފަދަ ޙާލަތްތަކުގައި މައްސަލައިގެ ތަޙްޤީޤު ކުރިއަށް ގެންދ��އުމަށް ދަތިވާކަން ފާހަގަކުރެވެއެވެ.
އެގޮތުން މައްސަލަ ހުށަހެޅުމަށްފަހު ،އަނިޔާ ލިބުނުކަމަށް ބުނާ ފަރާތާއި ،ހެކިންގެ ގޮތުގައި ހުށަހަޅާފައިވާ ފަރާތްތަކުން
ތަޙުޤީޤަށް ބަޔާން ދިނުމަށް އިންކާރުކުރުމާއި ،އެފަރާތްތަކަށް ގުޅުމަށް ކޮމިޝަނުން ތަކުރާރުކޮށް މަސައްކަތް ކުރުމުންވެސް
ހިއުމަން ރައިޓްސް ރިޕޯޓް 2022
93