‘ave’esea ai le pupuni o le lē gaganaina ‘olo’o ufiufi ai sāuāga i totonu o ‘āiga. I’UGA 21 O LE SĀ’ILI’ILIGA: E iai tulaga i le atunu’u ‘olo’o tāofiofia ai pea le ‘auai o tama’ita’i (ma isi vaega patino) i Fono a Nu’u, Palemene ma le Lotu, ua ātili fa’amausalī ai le sosaiete e pūlea e ali’i ma lamatia ai le fa’amanuiaina o ni taumafaiga e fa’afetaia’i sāuāga i totonu o ‘āiga, e ala i le lē fa’atāuaina o manatu o i latou e aupito a’afia. FAUTUAGA FAUTUAGA 11: Fa’atino ‘auala mana’omia e ‘ave’esea ai pā pupuni ‘olo’o a’afia ai le ‘auai o tama’ita’i ma isi vaega o tagata i Fono a Nu’u, le Palemene ma Lotu. TAUNU’UGA O FA’ATINOGA • Āmata fa’atalanoaga a Fono a Nu’u ia aofia i a latou tulafono: a) Aiaiga e mana’omia ai le fefa’asoaa’i aloa’ia o le Fono ma Sui Tama’itai o Nu’u ma Faletua ma Tausi i le fausaga o faiga fa’avae ma tulafono a le nu’u; b) Aiaiga e mafai ona fa’ao’o sa’o atu e le peresetene o le komiti a tinā ni matā’upu ma popōlega o le komiti a tinā i le fono a le nu’u, ‘ae lē fa’aui atu o le sui o le nu’u. • Fa’aauau polokalame o ta’ita’iga a tama’ita’i ma tulituliloa taunu’uga.Fesoasoani i le mafai ona ‘auai ma fai se sao aogā o tama’ita’i, ‘āiga e maualalo le tulaga o le tamāo’āiga, ma isi vaega o tagata i faigā fa’ai’uga a lotu. • Tatau i le Palemene ona silasia ma fa’atino faanatinati fautuaga i totonu o lipoti o Aiā Tatau a Tagata Soifua a le Ofisa 2015 ma le 2016 aemaise mataupu patino i le auai o tagata e iai mana’oga fa’apitoa i fa’aiuga fai. • Fai se fa’atatau talafeagai a Fono a Nu’u, le Palemene ma Lotu mo le auai (po’o le fa’asoaina o manatu foi) o tagata e ‘ese o latou lagona tau itūpā mai fa’atulagaga māsani o itūpā, tamaiti, autalavou ma tagata matutua. VAEGA E FA’ATINOINA TAIMI FA’ATULAGAINA • Matagaluega o Tinā  ma Tama’ita’i, Atina’e o Nu’u ma Afio’aga ma Agafeso’ota’i, e galulue fa’atasi ma Fono a Nu’u, Sui o Nu’u ma Sui Tamaita’i o Nu’u • Palemene/ Mālō Mataupu o lo’o mo’omia se fa’aiuga/ tali vave  Mataupu o lo’o mo’omia se fa’aiuga/ tali fa’anatinati