4 Komesina o Sulufaiga (Ombudsman) 2013, Nu. 12 VAEGA 1 FAATOMUAGA 1. Igoa puupuu ma le amataga-(1) E mafai ona taua lenei Tulafono o le Tulafono o le Komesina o Sulufaiga (Ombudsman) 2013. (2) O lenei Tulafono e amata faamamaluina i le aso e tuuina i ai le maliega a Le Ao o le Malo. 2. Faamatalaina o uiga o upu - I totonu o lenei Tulafono, ae vagana ai ua manaomia e le mataupu se isi uiga e ese ai: “faaiuga tau pulega” o lona uiga o se faaiuga po o se fautuaga ua faia (e aofia ai so o se fautuaga ua faia i se Minisita), po o so o se gaoioiga ua faia po o ua lē faia, i se mataupu tau pulega a se Matagaluega po o se faalapotopotoga; “faasea”, mo le Vaega III, o lona uiga o se faasea e uiga i se faaiuga tau pulega, ma “o lē e ona le faasea” e i ai lona uiga tutusa; “aia tatau a tagata soifua” o lona uiga o ni aia tatau a tagata soifua o lo o aofia ai i totonu o so o se tulafono ua taua e faapea: (a) i le Vaega II o le Faavae ma isi tulafono talafeagai a Samoa; (b) tulafono faava o malo o tu ma aganuu; (c) feagaiga ma maliega ua tusia mai i le faasologa i totonu o le Faamatalaga 1. “suesuega” o lona uiga o se suesuega ua faia i lalo o le Vaega 3; “Matagaluega po o faalapotopotoga” o lona uiga: (a) o se Matagaluega ua tusia i le faasologa i lalo o le Tulafono o le Faatulagaina o Tofi Faaminisita ma Matagaluega 2003 po o ua faavaeina i se Tulafono; po o (b) o se ofisa o le Malo, ofisa sooupu a le Malo po o se faalapotopotoga a le Malo ua faavaeina e se Tulafono po o le Malo; po o