HUMAN RIGHTS IN NEW ZEALAND 20 1 0 Foreword Mihi Ko Ranginui, ko Papatuanuku te marae tangata o te ao. Ki ngä maunga iringa körero, ki ngä awa rerenga roimata, ngä reo, ngä mana, ngä waka o te motu, tënä koutou katoa. Tai Pari, tai timu, taihoa e haere. I te hokinga atu o te ngaru, ka kite ähau kua ngaro koutou. Haere rä koutou te hunga wairua, haere oti atu ki tua o te ärai, ki te huinga o te kahurangi, ki te wheiao, ki te ao märama. Haere, haere, haere. Ki a koutou rä te hunga ora, ngä rangatira, ngä mätua, ngä tamariki, e pupuri nei i ngä taura here ö ngä whakapapa, tü te ao, tü te pö. Whiria te muka tangata i takea mai i Hawaiki Nui. Tü tangata tonu tätou i ngä wä katoa. He pänui tuku tënei, i kökiritia, i rangahaua, i tuhia hei taunga mo te wä. Maha noa ngä kaupapa. E marino ana te takoto o ëtahi, tutü ana te puehu ki ëtahi engari mau tonu ana te rongo ki te nuinga o te iwi whänui. Ehara taku toa i te toa takitahi, he toa takitini. He mihi ki ngä kaiwhakarite o tënei pänui, na koutou ka rangatira tätou. Nä reira puritia te Mana i Waitangi, i tohua nei e ngä rangatira hei punga herenga waka mo Aotearoa. Whäia kia mau, kia tïna, tihei mauriora. He körero whakamutunga. “Kotahi anö te köhao o te ngira e kuhu ai te miro mä, te miro pango, me te miro whero.” Pötatau Te Wherowhero, Te Kïngi Tuatahi Tënä koutou katoa, Te Amokapua Te Kaihautü o te Kähui Tika Tangata 3