8 Komesina o Sulufaiga (Ombudsman) 2013, Nu. 12 (b) faia loa lava se gaoioiga e alofia ai aia feteenai. 13. Sui Komesina o Sulufaiga - Afai ua lē mafai e le Komesina o Sulufaiga ona faatino galuega tauave o le tofi ona o se gasegase, toesea i luga o se faatagaga po o le toesea mai Samoa, avanoa o le tofi, po o so o se isi mafuaaga: (a) o le Komesina o Sulufaiga; po o (b) o Le Ao o le Malo, i le avanoa ai o le tofi i le maliu, e mafai, i se faiga, tusitusia, ona tofia se Sui Komesina o Sulufaiga e tauaveina galuega a le Komesina o Sulufaiga. 14. Faamavae mai le tofi - E mafai e le Komesina o Sulufaiga, i se faiga tusitusia i Le Ao o le Malo, ona faamavae mai i le tofi. 15. Aveesea ma le faamalolo lē tumau mai le tofi-(1) E mafai e Le Ao o le Malo, i le faia i luga o le fautuaga a le Fono Aoao Faitulafono, ona aveesea mai le Komesina o Sulufaiga mai le tofi, ona ua lē mafai ona faatino galuega tauave o le tofi e mafua mai ona ua lē atoatoa le malosi o le tino po o le mafaufau po o ona o se amio ua lē tusa ai ma le tofi. (2) E lē mafai ona aveesea mai le Komesina o Sulufaiga i se isi faiga e ese ai vagana o lalo o lenei fuaiupu. (3) Afai ua i ai i le Fono Aoao Faitulafono se manatu e faapea, o le mataupu o le aveesea mai le tofi e tatau ona suesueina, e mafai e le Fono Aoao Faitulafono ona tofia se komisi faamasino, e aofia ai: (a) se faamasino ua litaea i Samoa po o se isi atunuu po o se loia ua agavaa mo le tofiaina e avea ma faamasino o le Faamasinoga Sili, e avea o se taitaifono; ma (b) isi sui e toalua (2). (4) Afai o le mataupu e fesootai i le lē atoatoa o le malosi o le tino po o le mafaufau; o se tasi o sui o lo o taua i lalo o le faafuaiupu (3)(b) o se fomai ua faamauina i lalo o le Tulafono o Fomai 2007. (5) E ao i le komisi faamasino ona suesueina le mataupu ma tuuina mai se lipoti tusitusia o faamatalaga moni ma tuuina atu ana sailiiliga i le Fono Aoao Faitulafono.