2013, Nu. 12 Komesina o Sulufaiga (Ombudsman) 7 10. Vaitaimi i le tofi - O le Komesina o Sulufaiga: (a) ua tofia mo le ono (6) tausaga; ma (b) ua agavaa mo le toe tofia; ma (c) i le faamutaina o le vaitaimi i le tofi, e faaauau pea ona galue i le tofi seia toe tofia po o ua faia e se tagata ua soloia atu i le tofi le tautoga o le tofi. 11. Totogi-(1) O le totogi, alauni ma isi faamanuiaga o le Komesina o Sulufaiga ua fuafuaina i lalo o le Tulafono o le Komiti Faufautua mo Totogi 2003 e le Komiti Faufautua i le amanaiaina ai o tuutuuga ma aiaiga o isi tagata ofisa faa-palemene ma tagata e umia tulaga tofi faale-faavae. (2) O le totogi, alauni ma isi faamanuiaga o le Komesina o Sulufaiga e lē tatau ona faaitiitia mai a o faagasolo le vaitaimi i le tofi o le Komesina o Sulufaiga, seia vagana ai ua avea o se vaega o faaitiitiga lautele o totogi ua faatatauina i ni vaevaega tutusa i tagata uma, o i latou ia ua fuafuaina o latou totogi, alauni ma isi faamanuiaga, i lalo o le Tulafono o le Komiti Faufautua mo Totogi 2003. (3) O le totogi, alauni ma isi faamanuiaga ua taua i totonu o le faafuaiupu (1), e ao ona totogi i luga o le Faaputugatupe a le Ofisa o Tupe, e aunoa ma le toe faatatauina e ese mai i lenei faafuaiupu. 12. E lē umia e le Komesina o Sulufaiga se isi tofi-(1) E lē tatau i le Komesina o Sulufaiga ona: (a) avea o se Sui Usufono o le Palemene a o ia umia le tofiga; po o (b) e aunoa ma faamaoniga a le Fofoga Fetalai i mataupu faapitoa taitasi, ona umia so o se isi tofi po o le faigaluega po o le galue i so o se gaoioiga po o se faatinoga masani lea e mafai i so o se auala lava ona feteenai i tulaga moni o le Komesina o Sulufaiga po o le tulaga tutoatasi po o le lē faaituau e pei ona faatatauina ai. (2) Afai ua silafia e le Komesina o Sulufaiga o se aia feteenai moni po ua faatatauina, e ao i le Komesina o Sulufaiga ona: (a) logoina loa i lea taimi le Fofoga Fetalai; ma